महाराष्ट्र न्यूज वन प्रतिनिधी, कोल्हापूर : कोल्हापूर महापालिकेने, घरगुती गणेश विसर्जन व सार्वजनिक गणेश विसर्जन कामकाजासाठी  शहरातील शंभरहून अधिक शिक्षकांच्या नेमणुका केल्या होत्या. महापालिका शाळेतील शिक्षक व खासगी शाळेतील शिक्षकांचा समावेश आहे. मात्र शिक्षकांना अशैक्षणिक कामे लावू नयेत म्हणून शिक्षक संघटनांनी या कामावर बहिष्कार टाकला तसेच महापालिकेच्या आदेशाविरोधात येथील सर्किट बेंचमध्ये धाव घेतली. शिक्षकांच्या याचिकेवर बुधवारी (३ सप्टेंबर २०२५) सुनावणी आहे. शिक्षक संघटनांनी एकत्रित येत याचिका दाखल केली आहे. तर महापालिकेने गणेशोत्सवातील कामकाज अत्यावश्यक सेवेतील आहे. नेमणूक केलेल्या सर्व अधिकारी-कर्मचाऱ्यांनी त्यादिवशी संबंधित ठिकाणी उपस्थिती अत्यावश्यक आहे. जर कोणी गैरहजर राहिल्यास  त्यांच्यावर आपत्ती व्यवस्थापन नियम २००५ अंतर्गत कारवाई केली जाईल असे म्हटले होते.