महाराष्ट्र न्यूज वन प्रतिनिधी -:हातकणंगले लोकसभा मतदारसंघाचे खासदार धैर्यशील माने यांनी शाहूवाडी तालुक्यातील सोनुर्ले पैकी धोंडेवाडी येथे त्यांनी प्रत्यक्ष भेट देऊन ग्रामस्थांसोबत दिवाळी साजरी केली. या दौऱ्यादरम्यान णून उपमुख्यमंत्री एकनाथ शिंदे व खासदार डॉ. श्रीकांत शिंदे यांचे शुभेच्छा संदेश त्यांनी ग्रामस्थांपर्यंत पोहोचवले. यावेळी शेतकऱ्याच्या त्यांनी सर्वांसोबत झुणका-भाकरीचे जेवण केले. उपस्थित महिलांना फराळ वाटप केले. याप्रसंगी उपसरपंच बळवंत मुगडे, बाबा लाड, चंद्रकांत मुगडे आदींनी आपले मनोगत व्यक्त केले. यावेळी रुकडी जिल्हा परिषद सदस्य अतिश शिंगे, संभाजीराव देसाई, ओमकार चौगुले, दादासाहेब गावडे, सागर कुंभार, दिनकर भोसले, धोंडीराम खोत, मन्नू खोत, आणि संजय खोत उपस्थित होते. या दौऱ्यादरम्यान गावकऱ्यांनी आरोग्याची हेळसांड, रस्ते व एसटी बसची अनुपलब्धता, तीव्र पाणीटंचाई, रेशनिंग व सातबारावरील नावे, तसेच वन्यप्राण्यांचा त्रास यांसारख्या विविध बिकट समस्या मांडल्या. या सर्व समस्यांवर खासदार माने यांनी अत्यंत सकारात्मक व संवेदनशील भूमिका घेत तात्काळ ठोस उपाययोजना करण्याचे आश्वासन दिले. सोनुर्ले पैकी धोंडेवाडी येथील रस्ते व दळणवळणाचा प्रश्न मार्गी लावण्यासाठी वनविभागाच्या अधिकाऱ्यांसोबत लवकरच विशेष बैठक घेतली जाईल अशी ग्वाही दिली.