महाराष्ट्र न्यूज वन प्रतिनिधी, कोल्हापूर : महाराष्ट्र न्यूज वन प्रतिनिधी, कोल्हापूर : अनेकांना जगण्याचा बळ देणाऱ्या, असंख्य कुटुबांना आधार देणाऱ्या, लाखोंचे जीवन फुलविण्याऱ्या, देशाच्या शिक्षण क्षेत्राला दिशा देणा-या ज्ञानतपस्वी माजी राज्यपाल व  पद्मश्री  डॉ. डी. वाय.पाटील यांना अखेरचा निरोप देण्यासाठी जनसागर लोटला. बुधवारी (पाच ऑगस्ट २०२६) सायंकाळच्या सुमारास पॅव्हेलियन मैदान येथे पद्मश्री डॉ. डी.वाय.पाटील यांच्या पार्थिवावर शासकीय इतमामात अंत्यसंस्कार करण्यात आले. तिरंग्यात लपटलेल्या  डॉ.पाटील यांच्या पार्थिवाला पोलीस पथकाने बंदुकीच्या फेरी झाडून मानवंदना दिली.* 

कसबा बावडा येथील यशवंत निवासस्थानाहून फुलांनी सजविलेल्या वाहनामध्ये पद्मश्री डॉ. डी.वाय.पाटील  यांचे पार्थिव ठेवण्यात आले होते.  मेडिकल कॉलेज - लाईन बाजार- भगवा चौक - कसबा बावडा- मेन रोड - श्रीराम सोसायटी रस्ता - गवत मंडई - फायर स्टेशन मार्गे त्यांची अंत्ययात्रा पॅव्हेलियन मैदान आली. यावेळी आपल्या लाडक्या लोकनेत्याला अखेरचा निरोप देण्यासाठी मोठ्या संख्येने नागरिक अंत्ययात्रेत सहभागी झाले होते.