गांधीनगर परिसरातील अनधिकृत बांधकामावर जेसीबी, बांधकामे पाडण्यास सुरुवात
schedule22 Jun 26 person by visibility 103 categoryमहानगरपालिका
महाराष्ट्र न्यूज वन प्रतिनिधी : तावडे हॉटेल - गांधीनगर परिसरातील अनधिकृत बांधकामावर कारवाईला कोल्हापूर महापालिकेने सोमवारी सकाळी सुरुवात केली.सहा डंपर, तीन जेसीबी, एक पोकलेन मशीन, एक बूम गाडी , दोन गॅस कटर अशा यंत्रसामुग्रीसह तीन पथकाद्वारे कारवाई करण्यात येत आहे. महापालिका आयुक्त राजेंद्र भारूड अतिरिक्त आयुक्त रविकांत अडसूळ या प्रमुख अधिकाऱ्यांच्या उपस्थितीमध्ये कारवाई हाती घेण्यात आली. महापालिकेचे अधिकारी कर्मचारी या मोहिमेत सहभागी झाले आहेत. तावडे हॉटेल ते गांधीनगर परिसरातील अनधिकृत बांधकामाचा विषय गेली काही वर्षे गाजत आहे हा विषय कोल्हापूर महापालिकेच्या सभागृहापासून सुप्रीम कोर्टापर्यंत गाजला .सुप्रीम कोर्टाने 158 एकर जागा ही महापालिकेच्या मालकीची असल्याचे आदेश दिले आहेत. ज्या मिळकती संबंधित सर्किट बेंचने स्थगिती दिली नाही अशा अनाधिकृत बांधकामावर महापालिकेने कारवाई सुरू केली आहे.