महाराष्ट्र न्यूज वन प्रतिनिधी, कोल्हापूर : राज्य गुणवंत कामगार असोसिएशन, जागृत नागरिक सेवा संस्था महाराष्ट्र यांच्या संयुक्त् विद्यमाने राजर्षी छत्रपती शाहू महाराज यांच्या जयंतीचे औचित्य साधून २८ जून २०२६ रोजी राज्य व राष्ट्रीय पुरस्कार वितरण समारंभ आयोजित केला आहे. दसरा चौक येथील शाहू स्मारक भवन येथे सकाळी ९ वाजता हा पुरस्कार समारंभ होणार आहे. या पुरस्कार वितरण सोहळ्यात  जवळपास सत्तर जणांना पुरस्कार देण्यात येणार आहेत. लोकप्रतिनिधींच्या हस्ते हा कार्यक्रम होणार आहे अशी माहिती संयोजक सुरेश केसरकर यांनी दिली. पत्रकार परिषदेवेळी भगवान माने, संजय सासने, संभाजी थोरात, अनिता काळे, शिवाजी चौगुले, महादेव चक्के, रघुनाथ मुधळे, सुभाष पाटील, मुनीर मुल्ला, दिनकर आडसूळ , संतराम जाधव आदी उपस्थित होते.