महाराष्ट्र न्यूज वन प्रतिनिधी, कोल्हापूर : कोल्हापूर जिल्हा सहकारी दूध उत्पादक संघ अर्थात गोकुळमध्ये एक मे जागतिक कामगार दिन तसेच महाराष्ट्र दिन मोठ्या उत्साहात साजरा करण्यात आला. कॉ. संजय सदलगेकर यांच्या हस्ते ध्वजारोहण करण्यात आले. त्यानंतर उपस्थितांनी महाराष्ट्र राज्यगीत व राष्ट्रगीत सादर करून कामगार दिन आणि महाराष्ट्र दिनाचा गौरव केला.

कोल्हापूर जिल्हा सहकारी दूध संघ कर्मचारी संघटनेवतीने महालक्ष्मी ब्लड बँक, कागल व कोल्हापूर यांच्या सहकार्याने  रक्तदान शिबिराचे आयोजन केले होते. यामध्ये ४०० रक्तदात्यांनी रक्तदान करून सामाजिक बांधिलकी जपली. रक्तदान शिबिराचे उद्घाटन गोकुळचे चेअरमन नविद मुश्रीफ यांच्या हस्ते करण्यात आले.

 गोकुळचे चेअरमन नविद मुश्रीफ म्हणाले, “रक्तदान ही एक जनसेवाच आहे. रक्तदानामुळे अनेक गरजू रुग्णांना नवजीवन मिळते. ‘रक्तदान हेच श्रेष्ठदान’ या संकल्पनेतून आयोजित करण्यात आलेला हा उपक्रम अत्यंत स्तुत्य असून समाजासाठी प्रेरणादायी आहे.” 

 या शिबिरात आयटक संलग्न गोकुळ कर्मचारी, मार्व्हलस कंपनी, टूलेक्स कंपनी, कृषी संघ, लक्ष्मी लाडा कंपनी तसेच एमआयडीसी परिसरातील विविध उद्योगांतील कर्मचारी यांनी मोठ्या संख्येने सहभाग घेतला. रक्तदात्यांसाठी उत्तम नियोजन, वैद्यकीय तपासणी, अल्पोपहार व सुविधा उपलब्ध करून देण्यात आल्या होत्या.

याप्रसंगी गोकुळचे संचालक विश्वास पाटील, अरुण डोंगळे, अजित नरके, किसन चौगले, रणजितसिंह पाटील, बाळासो खाडे, चेतन नरके, युवराज पाटील, कार्यकारी संचालक डॉ.योगेश गोडबोले, डेअरी महाव्यवस्थापक  अनिल चौधरी, बोर्ड  सेक्रेटरी प्रदीप पाटील, व्यवस्थापक प्रशासन रामकृष्ण पाटील, जनरल सेक्रेटरी कॉम्रेड सदाशिव निकम, अध्यक्ष कॉम्रेड मल्हार पाटील, दिलीप पोवार, शंकर पाटील, व्ही.डी.पाटील, लक्ष्मण पाटील, दत्ता बच्चे, संभाजी शेलार, संदेश पाटील, योगेश चव्हाण, कृष्णा चौगले, अजित जाधव उपस्थित होते.