महाराष्ट्र न्यूज वन प्रतिनिधी : कोल्हापूरच्या महापौर रुपाराणी संग्रामसिंह निकम यांच्या कार्यकुशलतेची व प्रशासकीय कार्यातील महत्वपूर्ण योगदानाची दखल घेत अखिल भारतीय महापौर परिषदेतर्फे त्यांची परिषदेच्या कार्यकारिणी सदस्यपदी नियुक्ती करण्यात आली आहे.

ऑल इंडिया कौन्सिल ऑफ मेयर्सचे सचिव मनोज गुप्ता यांच्या निमंत्रणानुसार महापौर सौ. निकम यांनी दि. ३ जून २०२६ रोजी ऋषिकेश, उत्तराखंड येथे आयोजित अखिल भारतीय महापौर परिषद, नवी दिल्ली यांची कार्यकारिणीची 117 वी बैठकीत सहभाग घेतला. यावेळी उत्तराखंडचे कॅबिनेट मंत्री मदन कौशिकजी, ऋषिकेशचे आयोजक तथा होस्ट मेयर शंभू पासवानजी व ऑल इंडिया काउंसिल ऑफ मेयर्सचे अध्यक्ष तथा करनालाचे महापौर श्रीमती रेणु बाला गुप्ता यांच्या हस्ते महापौर  निकम यांचा विशेष सत्कार करण्यात आला.अखिल भारतीय महापौर परिषदेत झालेल्या चर्चेदरम्यान महापौर निकम यांनी कोल्हापूर शहराशी संबंधित विविध महत्त्वाच्या विषयांकडे सर्व मान्यवरांचे लक्ष वेधले. कोल्हापूर हे ऐतिहासिक वारसा लाभलेले शहर असून शहराची हद्दवाढ लवकरात लवकर करण्यात यावी,तसेच शहरातील नागरीकांना स्वच्छतेचे महत्व समजण्यासाठी स्वत: महापौर स्वच्छता मोहिमेत सहभाग घेऊन शहराला स्वच्छ व सुदंर ठेवण्यासठी  प्रयत्नशील राहत असले बाबत त्यांनी संभाषणात सांगितले तसेच शहरातील नागरिकांनां मुलभूत सोयीसुविधा व अडचणी बाबतच्या तक्रारींचे तत्काळ निराकरण करण्यासाठी दर महिन्याच्या ५ तारखेला आयोजित करण्यात येणाऱ्या ‘जनता दरबार’ उपक्रमाची माहिती त्यांनी परिषदेतील उपस्थितांना दिली.