महाराष्ट्र न्यूज वन प्रतिनिधी : प्रथितयश होमिओपॅथ व शासकीय होमिओपॅथिक वैद्यकिय महाविद्यालय व रुग्णालय कागलचे प्रभारी प्राचार्य डॉ. रोझारिओ पास्कल डिसोझा यांना महाराष्ट्र आरोग्य विज्ञान विद्यापीठ अंतर्गत मटेरिआ मेडीका विषयात पीएचडी बहाल करण्यात आली. २०२७ मध्ये नाशिक येथे होणाऱ्या महाराष्ट्र आरोग्य विज्ञान विद्यापीठाच्या दिक्षांत समारंभात त्यांना पदवी प्रदान करण्यात येणार आहे.
जगद्गुरू पंचाचार्य एज्युकेशन सोसायटीच्या होमिओपॅथिक वैद्यकिय महाविद्यालय व रूग्णालय कोल्हापूर या आरोग्य विद्यापीठ मान्यता प्राप्त संशोधन केंद्रामधून आरोग्य विद्यापीठाच्या होमिओपॅथी विद्याशाखेचे अधिष्ठाता प्रा. डॉ. राजकुमार पाटील यांच्या मार्गदर्शनाखाली “इफीकसी ऑफ बरबेरीस इन द मॅनेजमेंट ऑफ नेफ्रोलीथीॲसीस" या विषयावर डॉ. रोझारिओ डिसोझा यांनी प्रबंध सादर केला. तसेच त्यांचे राष्ट्रीय व आंतरराष्ट्रीय नियतकालीकांमधून संशोधनपर लेख  प्रसिध्द  आहेत. संशोधन कार्यात त्यांना महाविद्यालयातील प्रा. डॉ. एम. आर. कुलकर्णी, डॉ. सुजाता कामिरे, डॉ. सुनेत्रा शिराळे, डॉ. सचिन मगदूम, डॉ. शिवानी पाटील आदींचे सहकार्य लाभले.