महाराष्ट्र न्यूज वन प्रतिनिधी: शिक्षक आणि शिक्षकेतर कर्मचाऱ्यांच्या न्याय्य हक्कांसाठी शिक्षक आमदार कौस्तुभ मुरलीधर गावडे यांनी  सरकार दरबारी पाठपुरावा सुरू ठेवला आहे. जुनी पेन्शन योजना लागू करण्यासह सेवा ज्येष्ठतेसंदर्भातील प्रलंबित प्रश्न तातडीने मार्गी लावून शिक्षक व शिक्षकेतर कर्मचाऱ्यांना न्याय मिळावा, या मागणीसाठी त्यांनी, मुख्यमंत्री देवेंद्र फडणवीस यांची मुंबई येथे भेट घेतली. त्यांना मागण्यांचे निवेदन दिले. या भेटीदरम्यान शिक्षक आणि शिक्षकेतर कर्मचाऱ्यांच्या सेवाविषयक प्रश्नांचे गांभीर्य मुख्यमंत्र्यांच्या निदर्शनास आणल्या. जुनी पेन्शन योजना, सेवा ज्येष्ठतेतील अडचणी आणि कर्मचाऱ्यांच्या भवितव्याशी निगडित विविध प्रलंबित प्रश्नांवर सकारात्मक निर्णय घेण्याची आग्रही मागणी आमदार गावडे यांनी केली. यावेळी आमदार ज्ञानेश्वर म्हात्रे आणि मुख्याध्यापक संघटनेचे उपाध्यक्ष  सचिन नलवडे उपस्थित होते.

………….

‘ शिक्षकांच्या हक्कांचे संरक्षण, प्रलंबित प्रश्नांची सोडवणूक आणि शिक्षण क्षेत्रातील घटकांना सन्मानाचे स्थान मिळवून देण्यासाठी आपण कटिबद्ध असून, न्याय्य मागण्यांना निर्णयाची जोड मिळेपर्यंत हा लढा सातत्याने सुरू राहील.’

• कौस्तुभ गावडे, शिक्षक आमदार, पुणे विभागीय मतदारसंघ