महाराष्ट्र न्यूज वन प्रतिनिधी, कोल्हापूर : महाराष्ट्र  चेंबर ऑफ कॉमर्स, इंडस्ट्री  ॲण्ड  ॲग्रिकल्चरच्या वर्ष २०२६-२०२८ या वर्षासाठीचे  नवनिर्वाचित अध्यक्ष रविंद्र मानगावे, व्यवस्थापन मंडळ व कार्यकारिणी मंडळाचा पदग्रहण सोहळा शनिवार, ४ जुलै २०२६ रोजी मुंबईत आयोजित करण्यात आला आहे. या सोहळ्याला प्रमुख पाहुणे म्हणून महाराष्ट्राचे मुख्यमंत्री देवेंद्र फडणवीस आणि केंद्रीय जलशक्तीमंत्री सी. आर. पाटील उपस्थित राहणार आहेत. नरिमन पॉईंट येथील यशवंतराव चव्हाण प्रतिष्ठान येथे दुपारी ३ वाजता हा कार्यक्रम पार पडणार आहे.
 उपमुख्यमंत्री एकनाथ शिंदे, उपमुख्यमंत्री सुनेत्रा पवार, उद्योगमंत्री उदय सामंत, माहिती व तंत्रज्ञानमंत्री आशिष शेलार, कौशल्य विकासमंत्री मंगलप्रभात लोढा, ग्रामविकासमंत्री जयकुमार गोरे, कामगारा्रमंत्री आकाश फुंडकर आणि गृहराज्यमंत्री डॉ. पंकज भोयर यांची या कार्क्रमासाठी उपस्थिती असणार आहेत.या सोहळ्यात नवनिर्वाचित अध्यक्ष रविंद्र मानगावे, वरिष्ठ उपाध्यक्ष करुणाकर शेट्टी,  उपाध्यक्षा डॉ. धनश्री हरदास, उपाध्यक्ष किरण भोसले, उपाध्यक्षा सुनीता फाल्गुने, महेंद्र (कैलास ) अग्रवाल,  उपाध्यक्ष  संतोष राणे, उपाध्यक्ष सुनिल किर्दक, उपाध्यक्ष सर्जेराव नलावडे, उपाध्यक्ष संजय शेटे, उपाध्यक्ष सिद्धार्थ रूहाटीया, व्यवस्थापन समितीत निमंत्रित सदस्य वेदांशू पाटील यांच्यासह नवीन कार्यकारिणी सदस्यांचा पदग्रहण सोहळा संपन्न होईल. 'गाव तिथे उद्योजक' या संकल्पनेला बळ देणारा हा सोहळा चेंबरच्या १०० वर्षांच्या यशस्वी वाटचालीचा एक महत्त्वाचा टप्पा मानला जात आहे.