महाराष्ट्र न्यूज वन प्रतिनिधी :  पुणे पदवीधर मतदारसंघाचे उमेदवार सुनील मोदी यांच्या प्रचारार्थ गुरुवारी (15 ऑक्टोबर 2026) कोल्हापुरात शिवसेनेचा ठाकरे पक्षातर्फे मेळावा आयोजित केला आहे. नेते विनायक राऊत यांच्यासह शिवसेना वरिष्ठ नेत्यांची प्रमुख उपस्थिती आहे. धैर्यप्रसाद मंगल कार्यालयात दुपारी १२ वाजता मेळावा होणार आहे.आगामी पुणे पदवीधर मतदारसंघातील उमेदवार  सुनील मोदी यांच्या प्रचाराचा नारळ फोडण्यासाठी आणि रणनिती निश्चित करण्यासाठी  कोल्हापुरात पदवीधर व शिवसैनिकांचा  मेळावा होत आहे.  या मेळाव्यात पदवीधरांचे प्रलंबित प्रश्न, बेरोजगारी, उच्च शिक्षणातील अडचणी यांवर चर्चा होऊन प्रचाराची पुढील दिशा ठरवली जाणार आहे.   याप्रसंगी आमदार सुनील प्रभू,  उपनेते  अरुण दुधवडकर, संजय पवार, सहसंपर्क प्रमुख विजय देवणे, जिल्हाप्रमुख विराज हिंदुराव पाटील यांच्या उपस्थितीमध्ये हा मेळावा होत आहे.