महाराष्ट्र न्यूज वन प्रतिनिधी, कोल्हापूर -: पुणे विभागीय शिक्षक मतदारसंघातील महायुतीचे उमेदवार कौस्तुभ मुरलीधर गावडे यांना महाराष्ट्र  राज्य शिक्षण क्रांती संघटनेने पाठिंबा दिला. महायुतीचे पदवीधरमधील उमेदवार स्मिता जाधव व शिक्षक मतादरसंघातील उमेदवार गावडे यांच्या प्रचारार्थ महायुतीतर्फे कोल्हापुरात गुरुवारी (१५ ऑक्टोबर २०२६) विजयी निर्धार मेळावा आयोजित केला होता. नागाळा पार्क येथील भाजप कार्यालयात हा मेळावा झाला. याप्रसंगी महाराष्ट्र राज्य शिक्षण क्रांती संघटनेचे राज्य अध्यक्ष सुधीर घागस, राज्य सचिव राजेंद्र गवळी, विभागीय सचिव ज्ञानेश्वर गोसावी, राहुल पाटील, जिल्हा सचिव मिलिंद पाटील, जिल्हाध्यक्ष थॉमस शिनगारे, सुधीर चौधरी यांनी गावडे यांची भेट घेतली. त्यांना पाठिंबा देत असल्याचे जाहीर केले.