महाराष्ट्र न्यूज वन प्रतिनिधी, कोल्हापूर : ‘कोल्हापूर जिल्हा सहकारी दूध उत्पादक संघ अर्थात गोकुळची सोशल मीडियावरील बदनामी थांबवावी.संस्थेची बदनामी करणाऱ्यांवर कारवाई करावी. गोकुळची बदनामी झाल्यास त्याचा परिणाम दूध उत्पादक शेतकऱ्यांवर होतो.’ अशी मागणी गोकुळच्या कर्मचाऱ्यांनी केली. प्रशासकीय मंडळाचे अध्यक्ष संजयकुमार सुद्रीक यांना कर्मचाऱ्यांनी मागणीचे निवेदन दिले. कर्मचाऱ्यांच्या या मागणीवर सुद्रीक यांनी, शनिवारी ३० मे २०२६ रोजी प्रशासकीय मंडळाची बैठक आहे. त्यामध्ये चर्चा करू असे सांगितले. कर्मचारी संघटनेचे सरचिटणीस सदाशिव निकम, संदेश पाटील, योगेश चव्हाण, प्रकाश आडनाईक, बोर्ड सचिव प्रदीप पाटील, रमेश पाटील, शिवानंद शिरहट्टी, प्रवीण करडे, ओमकार पाटील, बाजीराव राणे, संग्राम मगदूम, रामचंद्र पाटील उपस्थित होते.