महाराष्ट्र न्यूज वन प्रतिनिधी : भुदरगड तालुक्यातील कलनाकवाडी येथे स्वराज्य कल्याण सेवाभावी संस्था, शेणगावच्या अध्यक्षा निवेदिता युवराज येडूरे यांच्या पुढाकाराने सीएसआर फंडातून शेतकऱ्यांना फवारणी पंपांचे मोफत वाटप केले. या कार्यक्रमाच्या अध्यक्षस्थानी महा एनजीओ डेव्हलपमेंट असोसिएशनचे अध्यक्ष डॉ. युवराज येडूरे होते. यावेळी त्यांनी अध्यक्षीय भाषणातून शेतकरी, ग्रामीण विकास आणि सामाजिक संस्थांच्या माध्यमातून समाजातील गरजू घटकांना प्रत्यक्ष मदत पोहोचविण्याच्या उपक्रमांचे महत्त्व अधोरेखित केले. मनसे भुदरगड तालुका अध्यक्ष राहुल पाटील यांनी प्रास्ताविक केले. यावेळी देवस्थान कमिटी अध्यक्ष जयवंत मोरबाळे, माजी सदस्य विक्रम पोवार, विजयराव तांबेकर, राजेंद्र वारके, विश्वजीत पाटील, प्रकाश पाटील, सुशांत पाटील, प्रशांत येडूरे, संदिप पाटील उपस्थित होते. सुशांत पाटील यांनी आभार मानले.