महाराष्ट्र न्यूज वन प्रतिनिधी, कोल्हापूर : कोल्हापूर जिल्हा सहकारी दूध उत्पादक संघाच्या निवडणुकीसाठी ५४३९ ठराव दाखल झाले आहेत. यामध्ये करवीर तालुक्यातून सर्वाधिक ८६७ ठराव दाखल झाले आहेत. राधानगरी तालुक्यातून ७०३ तर कागल तालुक्यातील ठरावांची संख्या ६२१ इतकी आहे. या संदर्भातील माहिती दुग्ध विभागाचे सहायक निबंधक कृष्णा ठाकरे यांनी दिली. गोकुळने दुग्ध विभाग, सहायक निबंधक कार्यालयाला संलग्न संस्थांची यादी दिली होती. सहायक निबंधक कार्यालयाकडून दोन जून ते एक जुले २०२६ या कालावधीत ठराव दाखलची प्रक्रिया राबविली होती. आता दोन जुलै ते १५ जुलै या कालावधीत दाखल ठरावांची छाननी प्रक्रिया होणार आहे. छाननी प्रक्रियेत दुबार ठराव, संस्था नोंदणीकृत आहे का याबाबी तपासल्या जाणार आहेत. दरम्यान तालुकानिहाय प्राप्त ठराव पुढीलप्रमाणे आहेत. आजरा तालुक्यातून ३०५ ठराव, भुदरगड तालुक्यातून ५९५ ठराव दाखल आहेत. करवीरमधून ८६७, कागलमधून ६२१, गगनबावडा १३२, गडहिंग्लज ४०१, चंदगड ४२४, पन्हाळा ५१५, राधानगरी ७०३, शाहूवाडी ४४५, शिरोळ २७०, हातकणंगले तालुक्यातून १६१ ठराव दाखल आहेत