महाराष्ट्र न्यूज वन प्रतिनिधी, कोल्हापूर : विधानसभा निवडणुकीच्या पार्श्वभूमीवर सत्ताधारी आणि विरोधकात आतापासूनच शह, काटशह सुरू झाले आहेत. सरकारची ध्येयधोरणे, पक्षीय भूमिका प्रभावीपणे मांडण्यासाठी सत्ताधारी भारतीय जनता पक्षाने नेतेमंडळीवर जबाबदारी सोपविली आहे. भाजपच्या या फौजेत माजी मुख्यमंत्री अशोक चव्हाण, मंत्री सुधीर मुनगंटीवार, आमदार पंकजा मुंडे, आशिष शेलार, माजी केंद्रीय मंत्री रावसाहेब दानवे आदींचा समावेश आहे. भाजपाच्या या रणनितीला सक्षमपणे टक्कर देण्यासाठी काँग्रेसनेही नेते व प्रवक्ते मिळून पंधरा जणांची विशेष टीम केली आहे. यामध्ये अनुभवी आणि तरुण नेतेमंडळीचा समावेश आहे. काँग्रेसचे विधान परिषदेतील गटनेते आमदार सतेज पाटील, विश्वजीत कदम, अमित देशमुख यांचाही समावेश आहे.