महाराष्ट्र न्यूज वन प्रतिनिधी, कोल्हापूर  : राज्य सरकारमार्फत  सुरू असलेल्या वरिष्ठ-निवड श्रेणी प्रशिक्षणा दरम्यान  पहिल्या दिवशी पाऊस व अन्य कारणांमुळे कांही शिक्षक प्रशिक्षणाला वेळेत उपस्थित राहू शकले नाहीत त्यांचा हा कालावधीत क्षमापित करून त्यांना प्रशिक्षण पूर्ण करून द्यावे अशी मागणी महाराष्ट्र राज्य खासगी प्राथमिक शिक्षक सेवक समितीचे राज्याध्यक्ष भरत रसाळे यांनी केली.

 समितीच्यावतीनेजिल्हा शिक्षण प्रशिक्षण संस्था कोल्हापूरचे ज्येष्ठ अधिव्याख्याता डॉ .महादेव वांडरे यांना निवेदन दिले. दोन जूनपासून राज्यातील शिक्षकांचे वरिष्ठ व निवडश्रेणीचे प्रशिक्षण चालू आहे. यामध्ये प्रत्येक तासाची उपस्थिती व मूल्यमापन सक्तीचे आहे. पहिल्या दिवशी पाऊस व अन्य कारणास्तव काही शिक्षक पहिल्या तासिकेला उपस्थित राहू शकले नाहीत. म्हणून त्यांना या प्रशिक्षणातून बाजूला करण्याचे आदेश दिले आहेत. हे आदेश मागे घेऊन त्यांचे शैक्षाणिक नुकसान टाळावे अशी मागणी केली. हे निवेदन मेलद्वारे राज्य शैक्षणिक संशोधन व प्रशिक्षण परिषदेकडे पाठविले. समितीच्या या शिष्टमंडळामध्ये राज्याध्यक्ष भरत रसाळे, राज्यसचिव शिवाजी भोसले, विभागीय अध्यक्ष महादेव डावरे, कार्याध्यक्ष शिवाजी सोनाळकर, परवेज कलाल, माधवी मोरे, डॉ. दमयंती जत्राटे, रेखा नाईक, अर्चना कुंडले, सई कांबळे, राजेंद्र अपुगडे, शरद गावडे उपस्थित होते.