महाराष्ट्र न्यूज वन प्रतिनिधी, कोल्हापूर : करवीर तालुक्यातील कणेरीवाडी येथील पीएमश्री विद्यामंदिर येथे शाळा प्रवेशोत्सव कार्यक्रम उत्साहात झाला. पंचायत समिती करवीरचे शिक्षण विस्तार अधिकारी पी. एस. आंग्रे यांची प्रमुख पाहुणे होते. कणेरीवाडीच्या सरपंच शामल कदम, उपसरपंच सीमा खोत, शालेय व्यवस्थापन समिती अध्यक्ष विजय मोरे व ग्रामपंचायत व शाळा व्यवस्थापन समिती सदस्यांची उपस्थिती होती. मुख्याध्यापक जी. व्ही. कांबळे, शिक्षक प्रतिनिधी लक्ष्मी पाटीलसह शिक्षकांच्या उपस्थितीत इयत्ता पहिलीच्या वर्गामध्ये १०० पेक्षा अधिक विद्यार्थ्यांनी प्रवेश घेतला. प्रवेश समयी विद्यार्थ्यांना गुलाबपुष्प  देत औक्षण केले. सर्व विद्यार्थ्यांना मोफत गणवेश पाठ्यपुस्तके वाटप केले. इयत्ता पहिलीच्या विद्यार्थ्यांचे शाळेतील पहिले पाऊल हा अनोखा उपक्रम राबविला. सर्व विद्यार्थ्यांना खाऊ  वाटप केले.