महाराष्ट्र न्यूज वन प्रतिनिधी, कोल्हापूर : वैद्यकीय शिक्षणमंत्री  हसन मुश्रीफ यांच्या वाढदिवसानिमित्त गोकुळ परिवाराच्यावतीने विविध सामाजिक उपक्रमांचे आयोजन केले होते. गोकुळचे ज्येष्ठ संचालक विश्वासराव पाटील, चेअरमन नविद मुश्रीफ व संचालकांच्या उपस्थितीमध्ये कार्यक्रम झाले. या वाढदिवसाच्या निमित्ताने गोकुळ परिवाराच्यावतीने ताराबाई पार्क येथील गोकुळ कार्यालय येथील प्रागणांमध्ये औषधी वनस्पतींचे वृक्षारोपण केले. वाढदिवस सेवाभावी उपक्रम

ज्येष्ठ संचालक विश्वास  पाटील म्हणाले, ‘मंत्री मुश्रीफ यांचा कार्यकाळ खऱ्या अर्थांनी विकास पर्व ठरला आहे. समाजातील वृद्ध, अपंग, निराधार व रुग्ण घटकांसाठी त्यांनी सातत्याने संवेदनशीलतेने काम केले. समाजातील प्रत्येक घटकांशी त्यांचे जिव्हाळ्याचे नाते निर्माण झाले केले. याप्रसंगी संचालक अभिजित तायशेटे, अजित नरके, शशिकांत पाटील–चुयेकर, किसन चौगले, संभाजी पाटील, प्रकाश पाटील, सुजित मिणचेकर, बयाजी शेळके, कार्यकारी संचालक डॉ.योगेश गोडबोले, शासकीय वैद्यकीय महाविद्यालय अधिष्ठाता डॉ. सदानंद भिसे, बालकल्याण संकुलच्या मानद कार्यवाह श्रीमती पद्मजा तिवले, पी.के.डवरी, सचिन माने, पशुसंवर्धन व्यवस्थापक डॉ. पी.जे.साळुंके, सहा. व्यवस्थापक संकलन दत्तात्रय वागरे, मार्केटिंग व्यवस्थापक हनमंत पाटील, डॉ.एम.पी.पाटील, लक्ष्मण धनवडे, जनसंपर्क अधिकारी सचिन पाटील उपस्थित होते.

दरम्यान मंत्री मुश्रीफ यांचा वाढदिवस विविध उपक्रमांनी साजरा झाला. छत्रपती प्रमिलाराजे रुग्णालय व राजर्षी छत्रपती शाहू महाराज शासकीय वैद्यकीय महाविद्यालय कोल्हापूर येथील रुग्ण, नातेवाईक व कर्मचारी यांना मोफत फळे तसेच सुगंधी दूध वाटप करण्यात आले. जिल्हा परिविक्षा व अनुरक्षण संघटना, कोल्हापूर (बालकल्याण संकुल) येथे मुलांसाठी जीवनावश्यक असणाऱ्या व दैनंदिन वापराच्या वस्तूंचे वितरण केले.