महाराष्ट्र न्यूज वन प्रतिनिधी, कोल्हापूर : शिक्षक बदली प्रक्रिया 2025 अंतर्गत बदली अधिकार पात्र शिक्षकांचा टप्पा क्रमांक पाच पूर्ण होवून बदलीस पात्र राउंड-२ (टप्पा क्रमांक ६) साठी शिक्षकांना बदलीसाठी शाळांचा प्राधान्यक्रम नोंद करण्याची सुविधा उपलब्ध करुन दिल्याची माहिती जिल्हा परिषदेच्या  प्राथमिक विभागाच्या शिक्षणाधिकारी मीना शेंडकर यांनी दिली आहे*. 

बदलीस पात्र (टप्पा क्रमांक ५) मधील शिक्षकांना दिनांक ५ ते १० ऑगस्ट २०२५ अखेर बदलीसाठी शाळांचा प्राधान्यक्रम नोंद करण्यासाठी सुविधा उपलब्ध करुन देण्यात आली होती. या कालावधीत ज्या शिक्षकांची बदलीस पात्र असलेल्या शिक्षकांची बदली झालेली आहे, अशा शिक्षकांची यादी या कार्यालयाकडून  १४ ऑगस्ट २०२५ रोजी प्रसिध्द करण्यात आली आहे. सुधारित वेळापत्रकानुसार बदलीस पात्र राउंड-२ (टप्पा क्रमांक ६) मधील शिक्षकांना १५ ते १८ ऑगस्ट २०२५ या कालावधीत बदलीसाठी शाळांचा प्राधान्यक्रम नोंद करण्यासाठी सुविधा उपलब्ध असेल. यातील पात्र शिक्षकांना आवश्यक असलेली सुधारित रिक्त पदांची यादी  १४ ऑगस्ट २०२५ रोजी मुख्य कार्यकारी अधिकारी यांच्या लॉगीनवरुन प्रसिध्द करण्यात आलेली असून ही यादी सर्व शिक्षकांना त्यांच्या स्वतःच्या लॉगीन वरुन पाहता येईल. 

दिनांक १५ ते १८ ऑगस्ट २०२५ या कालावधीत आपल्या गटाकडील बदलीस पात्र राउंड-२ मधील सर्व पात्र शिक्षकांना त्यांच्या लॉगीनवरुन बदली करीता शाळांचा प्राधान्यक्रम काळजीपूर्वक निवडण्याबाबत सूचित करावे १८ ऑगस्ट २०२५ नंतर कोणत्याही प्रकारची मुदतवाढ दिली जाणार नाही. तसेच प्राधान्यक्रम निवडणे ही संबंधित शिक्षकांची जबाबदारी असल्यामुळे या प्रक्रीयेमध्ये कोणत्याही प्रकारची चुक झाल्यास त्याची सर्वस्वी जबाबदारी संबंधित शिक्षकांची असेल. असे म्हटले आहे.