महाराष्ट्र न्यूज वन प्रतिनिधी : गोकुळ दूध संघाच्या पंचवार्षिक निवडणुकीत महायुतीमध्ये एकवाक्यता नाही. भाजप, राष्ट्रवादी, शिवसेनेत जागा वाटपावरुन चढाओढ दिसत आहे. मंत्री हसन मुश्रीफ यांना जादा जागा मिळाल्या नकोत यासाठी महायुतीतच प्रयत्न होत आहेत. यामुळेच बिनविरोध निवडणुकीचे पिल्लू सोडले आहे. मात्र गोकुळची निवडणूक बिनविरोध होणार नाही. राजर्षी शाहू शेतकरी समविचारी आघाडीच्या पॅनेलचे उमेदवार बुधवारी, सात ऑक्टोबर २०२६ रोजी करण्यात येणार आहे असे काँग्रेसचे आमदार सतेज पाटील यांनी स्पष्ट केले. तसेच पुणे विभागीय पदवीधर मतदारसंघात महाविकास आघाडीचा जो उमेदवार असेल त्याचा आपण प्रचार करु. राजकारण वेगळे आणि नातेसंबंध वेगळे असतात. भाजपाला जर डॉ. ग. गो. जाधव व पी.डी. पाटील यांच्याविषयी इतके प्रेम होते तर त्यांनी राज्यपाल नियुक्त कोट्यातून डॉ. स्मिता जाधव यांना का आमदार केले नाही. भाजपचा राजकीय डाव काय आहे हे सगळयांना माहित आहे.असेही आमदार पाटील म्हणाले.