महाराष्ट्र न्यूज वन प्रतिनिधी, कोल्हापूर : कोल्हापूर जिल्हा ब्राह्मण पुरोहित संघातर्फे विद्यार्थ्यांचा गुणगौरव करण्यात आला. समाजातील विविध क्षेत्रातील मुलांचा सत्कार करण्यात आला. दिव्यांग व दृष्टीहीन विद्यार्थ्यांना गौरविले. शैक्षणिक साहित्याचे वाटप केले. या समारंभात अॅस्टर आधार हॉस्पिटलचे संचालक डॉ. संजय देशपांडे, आनंदी फाऊंडेशनचे संस्थापक आनंद बनसोडे, योगशिक्षिका सुचित्रा निंबाळकर यांना समाजभूषण पुरस्कार देण्यात आला. पोलिस उपअधीक्षक तानाजी सावंत, महिला व बालकल्याण समितीच्या उपसभापती नगरसेविका दीपा ठाणेकर, माजी नगरसेवक अजित ठाणेकर, संघाचे अध्यक्ष प्रसाद निगुडकर, उपाध्यक्ष सचिन पितांबरेयांच्या उपस्थितीमध्ये हा कार्यक्रम झाला. संघाचे सचिव नीलेश कुलकर्णी यांनी प्रास्ताविक केले. निखिल शेंडूरकर व तनुजा जोशी यांनी सूत्रसंचालन केले. याप्रसंगी संचालक विशाल जोशी, स्वप्नील मुळये, स्वप्नील जोशी, ओंकार खाडीलकर, अतुल द्डीकर आदी उपस्थित होते.