महाराष्ट्र न्यूज वन प्रतिनिधी – शतकमहोत्सवी प्रॅक्टिस फुटबॉल क्लबतर्फे बुधवारी सात ऑक्टोबर २०२६ आजी – माजी फुटबॉलपटूंचा सत्कार सोहळा आयोजित केला आहे.१९६० पासून क्लबकडून खेळलेल्या जवळपास २०० खेळाडूंचा सन्मान होणार आहे. द रामकृष्ण् लॉन येथे दुपारी चार वाजता कार्यक्रमाला सुरुवात होईल अशी माहिती क्लबचे अध्यक्ष नितीन सावंत, सचिव रमेश मोरे यांनी पत्रकार परिषदेत दिली. खासदार धनंजय महाडिक हे कार्यक्रमाच्या अध्यक्षस्थानी असतील. आमदार अमल महाडिक, ऑल इंडिया फुटबॉल असोसिएशनचे सदस्य व माजी आमदार मालोजीराजे छत्रपती, आमदार चंद्रदीप नरके यांची प्रमुख उपस्थिती आहे. तसेच महापालिकेचे परिवहन समिती सभापती सत्यजीत जाधव, नगरसेविका जयश्री सचिन चव्हाण, माधुरी किरण नकाते, नीलांबरी गिरीश साळोखे  हे उपस्थित राहणार आहेत. आजी – माजी फुटबालपटूंचा मानचिन्ह, शाल, श्रीफळ देऊन सन्मान होणार आहे.पत्रकार परिषदेला संतोष महाडिक, विजय जाधव, चंद्रशेखर देशपांडे, राजेंद्र वायचळ, मारुती सावंत, अनिल महाजन आदी उपस्थित होते.