महाराष्ट्र न्यूज वन प्रतिनिधी, कोल्हापूर : महाराष्ट्र आणि गोव्यात मिळून १८ ठिकाणी रविवारी (१५ जून २०२५) ४० वी सेट परीक्षा होत आहे. दरम्यान कोल्हापूर सेंटरवर दहा हजार ६८० विद्यार्थ्यांनी नोंदणी केली आहे. कोल्हापूर शहरात २६ सेंटरवर परीक्षा होणार आहे. सकाळी दहा ते अकरा या वेळेत पहिला तर सकाळी ११.३० दुपारी १.३० या दुसरा पेपर आहे. शिवाजी विद्यापीठातील मानव्यशास्त्र विभागाची इमारत, भाषा भवन, पर्यावरण विज्ञान विभाग, रसायनशास्त्र अधिविभाग आणि डिपार्टमेंट ऑफ टेक्नॉलॉजी या विभाग येथे परीक्षा केंद्र असणार आहे. कोल्हापुरातील विवेकानंद कॉलेज परिसरात सहा सेंटर आहेत.न्यू कॉलेज कॅम्पसमध्ये पाच सेंटर आहेत. तसेच सायबर, राजाराम कॉलेज, गव्हर्मेंट पॉलिटेक्निक कॉलेज, पद्माराज गर्ल्स हायस्कूल, न्यू हायस्कूल,छत्रपती शहाजी महाविद्यालय, देशभक्त रत्नाप्पाण्णा कुंभार कॉलेज ऑफ कॉमर्स, राजर्षी छत्रपती शाहू कॉलेज कदमवाडी, शांतिनिकेतन मोरेवाडी, महावीर कॉलेज येथे सेट परीक्षेचे आयोजन केले आहे अशी माहिती शिवाजी विद्यापीठाचे सेट परीक्षाचे समन्वयक प्रा. डॉ. प्रशांत अनभुले यांनी दिली आहे.