महाराष्ट्र न्यूज वन प्रतिनिधी, कोल्हापूर : अखिल भारतीय भोई समाज सेवा संघातर्फे येत्या मार्च महिन्यात राष्ट्रीय अधिवेशन होणार आहे. मुंबई, नागपूर, यवतमाळ किंवा तिरुपती या ठिकाणी हे अधिवेशन होईल अशी माहिती समाजाचे राष्ट्रीय अध्यक्ष प्रा. एकनाथ काटकर यांनी दिली. मच्छिमारांच्या विरोधातील सरकारी धोरणासंबंधी आवाज उठविण्यासाठी अधिवेशन आयोजित केले आहे.राज्यातील गोडया पाण्यातील मच्छीमारांचे अनेक प्रश्न सरकारच्या चुकीच्या धोरणामुळे निर्माण झाले आहेत. अधिवेशनात यासंबंधी चर्चा करुन निश्चित धोरण ठरविण्यात येणार आहे. अधिवेशनद्वारे सरकारचे लक्ष वेधले जाईल.राज्यात साधारणपणे साडेतीन हजार मत्स्य संस्था आहेत. साडेतीन  लाखाहून अधिक सभासद आहेत. पत्रकार परिषदेला राष्ट्रीय महासचिव गजानन साटोटे, समाजाचे महाराष्ट्र अध्यक्ष हिम्मतराव मोरे, योगेश श्रीनाथ, नानासाहेब लकारे, पिंटू भोई, मीनाक्षी काटकर आदी उपस्थित होते