महाराष्ट्र न्यूज वन प्रतिनिधी, कोल्हापूर : खंडपीठाच्या मुद्द्यावर आपण सर्व एक आहोत आणि यापुढे देखील कोणतेही गटतट  न ठेवता आपण काम करू आणि मागील ३९ वर्षांपासून प्रलंबित असणाऱ्या खंडपीठाचा लढा यशस्वी करू असा निर्धार कोल्हापूर जिल्हा बार असोसिएशनच्या बैठकीत करण्यात आला. मंगळवारी, कोल्हापूर जिल्हा बार असोसिएशनचे नूतन अध्यक्ष व कार्यकारिणीला पदभार सुपूर्द करण्यात आला. मावळते अध्यक्ष सर्जेराव खोत यांनी नूतन अध्यक्ष पाटील यांच्याकडे पदभार सुपूर्द केला .

कोल्हापूर जिल्हा बार असोसिएशन वार्षिक निवडणूक २०२५ – २०२६ या कार्यकाळाकरिता अध्यक्ष म्हणून विजय रामचंद्र पाटील, उपाध्यक्षपदी तुकाराम पाडेकर, सचिवपदी मनोज पाटील, सहसचिवपदी सुरज भोसले, लोकल ऑडिटर  प्रमोद दाभाडे, महिला प्रतिनिधी मनीषा सातपुते आहेत. कार्यकारणी सदस्य म्हणून मीना पाटोळे, वैष्णवी कुलकर्णी, वैभव पाटील, स्वप्निल कराळे, निखिल मुदगल, प्रीतम पातले, स्नेहल गुरव, हंसिका जाधव, सम्राज्ञी शेळके आहेत. याप्रसंगी अॅड. महादेवराव अडगुळे, कल्पना माने, रणजीत गावडे, प्रकाश मोरे, विवेक घाडगे, प्रशांत चिटणीस, राजेंद्र चव्हाण, शिवाजी राणे, आनंदराव जाधव यांनी मनोगत केली.

अॅड. सर्जेराव खोत यांनी मुंबई उच्च न्यायालयाचे सरन्यायाधीश अलोक आराध्य यांनी कोल्हापूरला भेट देण्याबाबत संमती दिली आहे. याकडे लक्ष वेधत नव्या कार्यकारिणीने त्यासाठी प्रयत्नशील राहण्याचे आवाहन केले. सचिव मनोज पाटील यांनी गट विचारात न घेता प्रामाणिकपणे काम करेल असा विश्वास दिला. उपाध्यक्ष तुकाराम पाडेकर यांनी ज्येष्ठ वकिलांच्या मार्गदर्शनानुसार काम करू असे आश्वासित केले. नूतन अध्यक्ष विजय पाटील यांनी गेल्या वर्षभरामध्ये सक्रियपणे पुढे नेण्यात आलेला खंडपीठाचा लढा असाच पुढे चालू ठेवू. सर्वांनी सर्किट बेंच स्थापन होणे बाबत एकत्रित प्रयत्न करू असा विश्वास दिला. अॅड. निशिकांत पाटोळे यांनी स्वागत केले. अॅड. राजू ओतारी यांनी आभार मानले.