महाराष्ट्र न्यूज वन प्रतिनिधी, कोल्हापूर : लावणीसम्राज्ञी सुलोचना चव्हाण यांच्या ९२ व्या जयंतीनिमित्त  सरगम म्युझिकल ग्रुप एसएतर्फे लावणी व लोकगीत गायनचा कार्यक्रम १५ जून २०२५ रोजी आयोजित केला आहे. या कार्यक्रमात ८० हौशी कलाकार हे १०० लावणी व लोकगीते गाणार आहेत.अ शी माहिती संयोजक डॉ. आशा शितोळे यांनी पत्रकार परिषदेत दिली. सागरमाळ प्रतिभानगर येथील श्री महालक्ष्मी सभागृह येथे सकाळी ९.३० वाजता कार्यक्रमाला सुरुवात होईल. या उपक्रमाची नोंद ग्लोबल जिनीअस बुक ऑफ रेकॉर्डमध्ये नोंद होणार आहे. यासाी निरीक्षक संजय जाधव उपस्थित राहणार आहेत. या कार्यक्रमाची गेली तीन महिने तयारी सुरू आहे. सरगम म्युझिकल ग्रुपमध्ये हौशी गायक आहेत. विविध क्षेत्रातील ही मंडळी आपआपला व्यवसाय सांभाळत गायन कला जोपासली आहे. सहभागी कलाकारांना सन्मानपत्र, सन्मानचिन्ह, मेडल देऊन सन्मानित करण्यात येणार आहे. पत्रकार परिषदेला उदय पाटील, राजकुमार पारकर, डॉ. अनिल कवठेकर, माया मनपाडळेकर, चित्रा कवाळे, संगिता खानविलकर, के. टी. शिंदे, प्रा. मंजुषा लोंढे, धनाजी लोंढे, अस्मिता शितोळे आदी उपस्थित होते.