महाराष्ट्र न्यूज वन प्रतिनिधी, कोल्हापूर कोल्हापूर दक्षिण मतदारसंघातील कळंबा जिल्हा परिषद मतदारसंघामध्ये भारतीय जनता पक्षाच्या उमेदवार विनिता सागर भोगम या २२०० मताधिक्क्यांनी विजयी झाल्या. त्यांनी काँग्रेसच्या उमेदवार मनिषा पाटील यांचा पराभव केला. या मतदारसंघात तिरंगी लढत झाली होती. येथे भाजपाचे कार्यकर्ते वसंत पाटील यांच्या स्नुषा संजीवनी पाटील यांनी बंडखोरी केली होती. यामुळे या मतदारसंघातील निकालाकडे लक्ष लागले होते. विनिता भोगम या काँग्रेसमधून भाजपात दाखल झाल्या होत्या. विनिता भोगम यांचे पती सागर भोगम हे कळंबा गावचे माजी सरपंच आहेत. भोगम यांनी २१ जानेवारी  २०२६ रोजी भाजपात प्रवेश केला होता.