महाराष्ट्र न्यूज वन प्रतिनिधी, कोल्हापूर : शाहू मिल चौक परिसरात चारचाकी वाहनाचा अपघात झाला. शनिवारी, सात फेब्रुवारी २०२६ रोजी सायंकाळी चार वाजण्याच्या सुमारास भरधाव क्रेटा वाहनाने तीन दुचाकींना उडविले. क्रेटाच्या जोरदार धडकेने दुचाकीस्वार गंभीर जखमी झाले आहेत. शाहू मिल चौक ते उद्यमनगरकडे जाणाऱ्या रस्त्यावर हा थरकाप उडविणारा अपघात घडला. जखमीना उपचारासाठी हॉस्पिटलमध्ये हलविले आहे. अपघाताची माहिती समजताच पोलिस घटनास्थळी पोहोचले आहेत. शहर वाहतूक शाखेचे पोलिसही घटनास्थळी पोहचून वाहतूक सुरळीत करत आहेत. अपघातस्थळी नागरिकांनी गर्दी झाली आहे. क्रेटाने धडक दिलेली दुचाकी वाहने रस्त्याच्याकडेला पडलेली आहेत. क्रेटा हे चारचाकी वाहनही पलटी झाली आहे.या दुर्घटनेत भाग्यश्री लक्ष्मण गवळी तसेच कोल्हापूर महानगरपालिकेच्या आरोग्य विभागाचे माजी कर्मचारी दिपक महादेव वंशे यांचा मृत्यू झाला आहे. अपघातात जखमी झालेल्या अन्य तिघांवर सध्या खाजगी रुग्णालयात उपचार सुरू असून आहेत.