महाराष्ट्र न्यूज वन प्रतिनिधी कोल्हापूर : प्रथितयश होमिओपॅथ डॉ. सुनेत्रा देशभूषण शिराळे यांना महाराष्ट्र आरोग्य विज्ञान विद्यापीठ अंतर्गत मेडीसीन विषयात पीएचडी  केली. जुलै २०२६ मध्ये नाशिक येथे होणाऱ्या महाराष्ट्र आरोग्य विज्ञान विद्यापीठाच्या दिक्षांत समारंभात त्यांना पदवी प्रदान करण्यात येणार आहे. आरोग्य विद्यापीठातून होमिओपॅथी विद्याशाखेमध्ये पीएच.डी. प्राप्त करणाऱ्या त्या पश्चिम महाराष्ट्रातील पहिल्या होमिओपॅथिक तज्ञ आहेत.

जगद्‌गुरू पंचाचार्य एज्युकेशन सोसायटीच्या होमिओपॅथिक वैद्यकिय महाविद्यालय व रुग्णालय कोल्हापूर या आरोग्य विद्यापीठ मान्यता प्राप्त संशोधन केंद्रामधून प्रा. डॉ. सुजाता कामिरे यांच्या मार्गदर्शनाखाली "इफेक्टीव्हनेस ऑफ होमिओपॅथीकमेडीसीन इन द मॅनेजमेंट ऑफ अँक्यूट हायनायटीस" या विषयावर डॉ. शिराळे यांनी शोध निबंध सादर केला. तसेच त्यांचे राष्ट्रीय व आंतरराष्ट्रीय नियतकालीकांमधून संशोधनपर लेख देखील प्रसिध्द झाले आहेत.संशोधन कार्यात त्यांना आरोग्य विद्यापीठाच्या होमिओपॅथी विद्याशाखेचे अधिष्ठाता डॉ. राजकुमार पाटील, महाविद्यालयातील मेडीसीन विभागाचे प्राध्यापक डॉ. सचिन मगदूम, डॉ. शिवानी पाटील यांचे  सहकार्य लाभले.