महाराष्ट्र न्यूज वन प्रतिनिधी : बालगोपाल तालीम मंडळ आयोजित व जाधव इंडस्ट्रीज पुरस्कृत "चंद्रकांत चषक -२०२५" फुटबॉल स्पर्धेततील अंतिम सामन्यात खंडोबा तालीम मंडळाने संयुक्त जुना बुधवारपेठ फुटबॉल संघाचा ४-० असा पराभव करून "चंद्रकांत चषक -२०२५" वर नाव कोरले. विजेत्या खंडोबा तालीम संघाला २ लाख ३१ हजार रुपये आणि चषक तर उपविजेत्या संयुक्त जुना बुधवार पेठ संघाला १ लाख ३१ हजार रुपये आणि चषक देऊन गौरवण्यात आले

"चंद्रकांत चषक -२०२५" फुटबॉल स्पर्धेच्या अंतिम सामन्याची सुरवात आमदार अशोकराव माने, शिवसेना उपनेत्या जयश्री चंद्रकांत जाधव, युवा उद्योजक सत्यजित चंद्रकांत जाधव, वनश्री सम्राट महाडिक, माजी नगरसेवक ईश्वर परमार पोलीस निरीक्षक राजेंद्र सावंत, उद्योजक मानसिंगराव खराटे, संजय कदम, महेश पाटील, रणजीत शिंदे, सुशील भांदिगरे, उदय पैठणकर, विजय भोसले, अविनाश पवार यांच्या हस्ते करण्यात आली.  पालकमंत्री प्रकाश आबीटकर, आमदार चंद्रदिप नरके, माजी आमदार सुजित मिणचेकर यांनी मैदानात उपस्थिती लावून खेळाडूंना प्रोत्साहन दिले. 

स्पर्धेचे बक्षीस वितरण समारंभ राज्य नियोजन मंडळाचे कार्यकारी अध्यक्ष आमदार राजेश क्षीरसागर यांच्या हस्ते झाला. स्पर्धेच्या यशस्वीतेसाठी बालगोपाल तालमीचे अध्यक्ष राजेंद्र कुरणे, कार्याध्यक्ष निवास शिंदे, आप्पासाहेब साळोखे, युवराज कुरणे, राहुल चव्हाण, संजय साळोखे, अजित कुलकर्णी, सुरज कुरणे, सुशांत चव्हाण, सागर भांदिगरे, धनंजय घाडगे, अरबाज सय्यद, आशिष पवार, संदीप पवार, रोहन शिंदे, ओंकार जाधव, निरंजन पवार, मयूर पाटील यांच्यासह बालगोपाल तालमीचे सर्व पदाधिकारी, कार्यकर्ते व खेळाडू यांनी नियोजन केले. फुटबॉल निवेदक म्हणून विजय साळोखे यांनी काम पाहिले.