महाराष्ट्र न्यूज वन प्रतिनिधी, कोल्हापूर : अखिल भारतीय मराठा महासंघ व मराठा स्वराज्य भवन ट्रस्टच्यावतीने  ३५२ वा राज्याभिषेक सोहळा तीस मे ते सहा जून २०२६ या कालावधीत विविध सामाजिक उपक्रमांनी साजरा करण्यात येणार आहे. डॉल्बीमुकत मिरवणूक काढण्यात येणार आहे अशी माहिती मराठा महासंघाचे राष्ट्रीय उपाध्यक्ष वसंतराव मुळीक व महासंघाचे जिल्हाध्यक्ष शशिकांत पाटील यांनी दिली.

शिवराज्याभिषेक व्याख्यानमालेतंर्गत माजी आमदार उल्हासदादा पवार यांचे ’महाराष्ट्रातील सांस्कृतिक राजकारण’या विषयावर शनिवारी, (३० मे २०२६ ) व्याख्यान आहे. रविवारी, ३१ मे रोजी मुंबई येथील डॉ. दीपक पवार यांचे ’छत्रपती शिवराय आणि आजचा महाराष्ट्र धर्म’या विष्यावर व्याख्यान आहे.दोन्ही व्याख्याने शाहू स्मारक भवन येथे सायंकाळी ५.३० वाजता होणार आहेत. एक जून रोजी सकाळी ११ वाजता  शाहू स्मारक भवन येथे फेटा बांधणी प्रशिक्षणआहे. पाच जून रोजी सकाळी दहा वाजता वृक्षारोपन करण्यात येणार आहे.