महाराष्ट्र न्यूज वन प्रतिनिधी, कोल्हापूर : पुणे विभागीय शिक्षक मतदारसंघाची निवडणूक आगामी काळात होऊ घातलेली आहे. या निवडणुकीच्या अनुषंगाने महाराष्ट्र शिक्षक लोकशाही आघाडीची रविवारी, २३ ऑगस्ट २०२६ रोजी पुण्यात बैठक होत आहे. या बैठकीत शिक्षक लोकशाही आघाडीकडून निवडणुकीस इच्छुक उमेदवारांच्या मुलाखती होणार आहेत. राष्ट्रसेवा दलाच्या रावसाहेब पटवर्धन हायस्कूल मधील नाथ पै  सभागृहामध्ये दुपारी १२.३० वाजता या मुलाखती होतील. दरम्यान महाराष्ट्र शिक्षक लोकशाही महाराष्ट्र शिक्षक लोकशाही आघाडीचे अध्यक्ष जी. के. थोरात, राज्य सचिव के. एस. ढोमसे, पुणे विभागाचे अध्यक्ष प्राचार्य शिवाजीराव कामथे,विभागाचे सचिव मुरलीधर मांजरे, पुणे विभागाचे प्रवक्ते प्रा. शशिकांत शिंदे, राज्य प्रतिनिधी  प्राचार्य राज मुजावर यांच्या उपस्थितीमध्ये नुकतीच पुण्यात आढावा बैठक झाली.

बैठकीत थोरात म्हणाले की येत्या निवडणुकीमध्ये महाराष्ट्र शिक्षक लोकशाही आघाडीच्या वतीने उमेदवार दिला जाणार आहे. ही उमेदवारी इच्छुक उमेदवारांच्या मुलाखती घेऊन निवडणुकीची तयारी, मतदारसंघातील संपर्क, शिक्षक संघटनेशी असणारी बांधिलकी, निवडून येण्याची क्षमता तसेच शिक्षकांच्या प्रति असलेली तळमळ या गोष्टी विचारात घेऊन दिली जाणार आहे.या अनुषंगाने पुणे विभागातील सर्व जिल्ह्यातील इच्छुक उमेदवारांच्या मुलाखती 23 ऑगस्ट 2026 रोजी होत आहेत. ’तर संघटनेचे  राज्य सचिव के. एस. डोमसे व पुणे विभागाचे अध्यक्ष प्राचार्य शिवाजीराव कामथे यांनी, ‘इच्छुक उमेदवारांनी संघटनेकडे रीतसर अर्ज करून  मुलाखतीसाठी वेळेवर उपस्थित राहावे असे आवाहन केले आहे.