महाराष्ट्र न्यूज वन प्रतिनिधी, कोल्हापूर : कोल्हापूर जिल्हा माध्यमिक शिक्षण सेवकांची सहकारी पतसंस्थेच्या चेअरमनपदी राजेंद्र मारुती पाटील (भाई माधवरावजी बागल  हायस्कूल व ज्युनिअर कॉलेज) तर व्हाइस चेअरमनपदी प्रकाश  रामचंद्र कोकाटे (माध्यमिक  विद्यालत शित्तूर तर्फ मलकापूर) यांची निवड झाली.निवडणूक निर्णय अधिकारी दत्तात्रय इंगवले यांच्या अध्यक्षतेखाली संचालक मंडळाची बैठक झाली. शिक्षक नेते दादासाहेब लाड यांच्या हस्ते नूतन चेअरमन पाटील व व्हाईस चेअरमन कोकाटे यांचा सत्कार करण्यात आला. दोन्ही पदासाठी प्रत्येकी एकेक अर्ज दाखल झाल्याने या निवडी बिनविरोध करण्यात आल्या. चेअरमनपदासाठी पाटील यांचे नाव संचालक मनोहर पाटील यांनी सुचविले. संचालक अनिल चव्हाण यांनी अनुमोदन दिले. व्हाइस चेअरमनपदासाठी कोकाटे यांचे नाव संचालिका शीतल हिरमेठ यांनी सुचविले. संचालक श्रीकांत कदम यांनी अनुमोदन दिले. पतसंस्थेचे मुख्य कार्यकारी अधिकारी जयवंत कुरडे यांनी निवड प्रक्रियेचे वाचन केले. यावेळी संचालक अविनाश चौगले, बाळ डेळेकर, दत्तात्रय घुगरे, दीपक पाटील, सचिन शिंदे, राजाराम शिंदे, राजेंद्र रानमाळे, मदन निकम, उत्तम पाटील, शरद तावदारे, पांडूरंग हळदकर, श्रीकांत पाटील, सुभाष खामकर, जितेंद्र म्हैशाळे, ऋतुजा पाटील, पांडूरंग पाटील, उपमुख्यक कार्यकारी अधिकारी उत्तम कवडे उपस्थित होते.