महाराष्ट्र न्यूज वन प्रतिनिधी, कोल्हापूर : कोल्हापूर महापालिकेच्या परिवहन विभागातंर्गत केएमटीकडील दोन भूखंड तीस वर्षे करारने भाडयाने देण्याचा प्रस्ताव प्रशासनाच्या विचाराधीन आहे. शिरोली एमआयडीसी येथील ही जागा असून यासंदर्भातील प्रस्ताव येत्या १९ ऑगस्ट २०२६ रोजी होणाऱ्या महापालिकेच्या सर्वसाधारण सभेत मांडला जाणार आहे. या ठिकाणी केएमटीकडून ई बससाठी डेपो उभारणी प्रस्तावित होती. नवीन ई बसेस कोल्हापुरात दाखल होत आहेत. मात्र केएमटी प्रशासनाकडून दोन भूखंड तीस वर्षासाठी खासगी विकसकाकडे भाडयाचे देण्याचे नियोजन होत आहे. केएमटीची जागा खासगी विकसकाला भाडयाने देऊन उत्पन्न वाढविण्यासाठी हा प्रस्ताव आणला आहे. दरम्यान केएमटीकडील जागा खासगी  विकसकाला भाडयाने दिल्यास ई बस डेपोसाठी जागा कुठून उपलब्ध करणार असा प्रश्नही उपस्थित होत आहे.