महाराष्ट्र न्यूज वन प्रतिनिधी : महाराष्ट्र नवनिर्माण सेनेतर्फे कोल्हापूर जिल्ह्यात संघटनेची पुनर्बांधणी करण्यास सुरुवात झाली आहे. संपर्क अध्यक्ष यशवंत किल्लेदारसो व नंदकुमार चिले यांचे हस्ते संघटनात्मक बांधणीला सुरुवात झाली
         राजर्षी शाहू महाराजांच्या जयंतीचे औचित्य साधून लक्ष्मी विलास पॅलेस येथील जन्मस्थळावरील शाहू महाराजांच्या प्रतिमेस पुष्पहार अर्पण करून  अभिवादन करण्यात आले. यानंतर शासकीय विश्रामगृहावर संपूर्ण दिवसभर पक्षाचे माजी पदाधिकारी, महाराष्ट्र सैनिक तसेच पक्षामध्ये नव्याने काम करू इच्छिणाऱ्या कार्यकर्त्यांशी वैयक्तिकरित्या थेट संवाद साधण्यात आला. 
       पक्षामध्ये नव्याने काम करू इच्छिणाऱ्या कार्यकर्त्यांनी वैयक्तिकरित्या संपर्क अध्यक्षांशी संपर्क साधावा ज्याद्वारे काही जुन्या लोकांना सामावून घेऊन काही नवीन उमद्या चेहऱ्याना संधी देण्यात येईल असे आवाहन संपर्क अध्यक्ष यशवंत किल्लेदारसो यांनी केले.
        याप्रसंगी जिल्हाध्यक्ष राजू दिंडोर्ले, शहर अध्यक्ष प्रसाद पाटील, जिल्हाध्यक्ष नागेश चौगुले, रवी गोंदकर,अभिजीत पाटील, संजय चौगले , प्रताप पाटील, राजेंद्र निकम, विजय करजगार, प्रभात साबळे, अभिजित राऊत, संजय पाटील, निलेश आजगावकर, राजन हुल्लोळी,सुनील तुपे, राहुल खाडे, गणेश तेरवाडे ,अरविंद कांबळे उपस्थित होते.