महाराष्ट्र न्यूज वन प्रतिनिधी कोल्हापूर : एकवेळ आमदारकी नको पण गोकुळचे संचालक पद हवे... कोल्हापुरातील राजकीय क्षेत्रातील हा सर्वाधिक चर्चेचा विषय.  गोकुळच्या संचालक पदासाठी  राजकीय कुरघोडी होत असतात. जिल्ह्यातील प्रमुख आर्थिक संस्था म्हणून गोकुळकडे पाहिले जाते. सध्या गोकुळच्या पंचवार्षिक निवडणुकीची धामधूम सुरू आहे. उमेदवारी अर्ज दाखल करण्याच्या प्रक्रियेने वेग घेतली आहे. सोमवारी 21 सप्टेंबर रोजी हातकणंगलेचे आमदार अशोक माने यांनी जनसुराज्य शक्ती पक्षाकडून मागासवर्गीय गटातून उमेदवारी अर्ज दाखल केला. तसेच एनटी गटातून संदीप कारंडे यांनी  जनसुराज्य पक्षाकडून उमेदवारी अर्ज भरला आहे. हे दोघेही हातकणंगले तालुक्यातील आहेत. आमदार माने यांनी विधानसभेची निवडणूक जनसुराज्य शक्ती पक्षाकडून लढवली होती. याप्रसंगी जिल्हा परिषदेचे सदस्य सर्जेराव पाटील पेरीडकर, जिल्हा परिषदेचे माजी सदस्य प्रसाद खोबरे, प्रवीण यादव, जयसिंगपूरच्या माजी नराध्यक्ष नीता माने, धनंजय टारे, अमर पाटील आदी उपस्थित होते