महाराष्ट्र न्यूज वन प्रतिनिधी कोल्हापूर : कोल्हापूरच्या शिरपेचात आणखी एक मानाचा तुरा रोवला गेला आहे. कोल्हापूरचा युवा खेळाडू अक्षय माने याने थेट बँकॉकमध्ये झालेल्या प्रतिष्ठेच्या हायरॉक्स स्पर्धेत दमदार कामगिरी करत कोल्हापूरचे नाव आंतरराष्ट्रीय पातळीवर पोहोचवले आहे. 

कोल्हापूरच्या मातीतून घडलेला युवा खेळाडू अक्षय माने याने आपल्या कर्तृत्वाची छाप थेट बँकॉकमध्ये उमटवली आहे.बँकॉक हायरॉक्स स्पर्धेत सहभागी होत अक्षयने आपल्या फिटनेस आणि क्रीडा कौशल्याचे दमदार प्रदर्शन केले. जागतिक स्तरावरील या स्पर्धेसाठी प्रचंड शारीरिक क्षमता, मानसिक ताकद आणि सातत्यपूर्ण प्रशिक्षणाची गरज असते.या आव्हानात्मक स्पर्धेसाठी अक्षयने कठोर मेहनत घेतली. नियमित प्रशिक्षण, फिटनेसवर विशेष भर आणि स्पर्धेपूर्वीची तयारी यामुळे त्याने आंतरराष्ट्रीय व्यासपीठावर कोल्हापूरचे प्रतिनिधित्व केले.
अक्षयच्या या यशामागे त्याचे मार्गदर्शक आकाश काळे, आर. डी. सर आणि संतोष सर,आकाश कोरगावकर मुबारक सर,पवन माडेकर यांचे मार्गदर्शन महत्त्वाचे ठरले. त्याचबरोबर आई-वडिलांनी दिलेला पाठिंबा आणि मित्रपरिवाराने दिलेली साथ यामुळे अक्षयचा आत्मविश्वास आणखी वाढला.कोल्हापूरच्या एका युवा खेळाडूने आंतरराष्ट्रीय स्तरावरील बँकॉक हायरॉक्स स्पर्धेत सहभागी होत दमदार कामगिरी केली.