महाराष्ट्र न्यूज वन प्रतिनिधी, कोल्हापूर : केंद्रीय सामाजिक न्याय व सक्षमीकरण राज्यमंत्री रामदास आठवले यांनी त्रिपुरा, बिहार आणि पश्चिम बंगालचे माजी राज्यपाल पद्मश्री डॉ. डी. वाय. पाटील यांची भेट घेतली. डॉ. पाटील यांच्या तब्येतीची विचारपूस करून आठवले यांनी शैक्षणिकसह विविध विषयांवर त्यांच्याशी चर्चा केली. मंत्री आठवले सोमवारी कोल्हापूर दौऱ्यावर आले होते. सकाळी पत्रकारांशी संवाद साधल्यानंतर  आठवले यांनी कसबा बावडा येथे यशवंत निवासस्थानी जाऊन  पाटील यांची भेट घेतली. डी.वाय. पाटील ग्रुपचे अध्यक्ष डॉ. संजय डी. पाटील यांनी पुष्पगुच्छ देऊन आठवले यांचे स्वागत केले. यावेळी श्री राम सोसायटीचे चेअरमन संतोष पाटील, माजी नगरसेवक मोहन सालपे, सुभाष बुचडे, श्रीराम सोसायटीचे माजी चेअरमन राजीव चव्हाण, महादेव लांडगे, मिलिंद पाटील, राजीव चव्हाण,सागर यवलुजे यांनी पुष्पगुच्छ देऊन रामदास आठवले यांचे स्वागत केले. यावेळी आरपीआय आठवले गटाचे जिल्हा अध्यक्ष उत्तम कांबळे, प्रा.  शहाजी कांबळे आदी उपस्थित होते.