महाराष्ट्र न्यूज वन प्रतिनिधी, कोल्हापूर : ‘प्रार्थनेमुळे विद्यार्थ्यांच्या मानसिक आरोग्य सकारात्मक परिणाम होऊन विद्यार्थ्यांच्या अभ्यासामध्ये चांगली प्रगती होते. विद्यार्थी जीवनात प्रार्थनेचे विशेष  महत्त्व आहे. ’असे मत कौन्सिल ऑफ एज्युकेशनचे सचिव डॉ. विश्वनाथ मगदूम यांनी व्यक्त केले.

देशभक्त रत्नाप्पा कुंभार कॉलेज ऑफ कॉमर्स येथे शैक्षणिक वर्ष २०२५-२६ मध्ये प्रवेश घेतलेल्या विद्यार्थ्यांचा स्वागत समारंभ मोठ्या उत्साहात पार पडला. कार्यक्रमाचे प्रमुख पाहुणे म्हणून ते बोलत होते. यावेळी प्रमुख पाहुण्यांच्या हस्ते विद्यार्थ्यांना गुलाब पुष्प देऊन स्वागत करण्यात आले. उपस्थित विद्यार्थ्यांना मार्गदर्शन करत असताना डॉ. मगदूम यांनी ‘आयुष्य घडविण्यासाठी अत्यावश्यक असलेल्या स्वयं सूचनेचे पठण ही उपस्थित विद्यार्थ्यांकडून करवून घेतले.

महाविद्यालयाचे उपप्राचार्य डॉ. आर. एस. नाईक यांनी प्रास्ताविक केले. विधिविभाग प्रमुख डॉ. एस. एस. देसाई यांनी आभार मानले. यावेळी डॉ. के. जी.  कांबळे, डॉ. ए.एस.बन्ने,ज्युनियर कॉलेजचे उपप्राचार्य प्रा. एम.पी.वंडकर, पर्यवेक्षक प्रा. बी डी. डवंग  डॉ. एन. एच. जाधव डॉ. एस. ए. चौगुले, डॉ. बोथीकर उपस्थित होते