महाराष्ट्र न्यूज वन प्रतिनिधी, कोल्हापूर :राजर्षी शाहू सलोखा मंचतर्फे २१ जून २०२६ रोजी कोल्हापुरात ‘राजर्षी शाहू राष्ट्रीय विचार परिषद’आयोजित केली आहे.दसरा चौक येथील राजर्षी शाहू स्मारक भवन येथे सकाळी अकरा वाजता परिषदेला प्रारंभ होईल. या परिषदेसाठी उत्तर प्रदेशमधील कानपूर येथील कुर्मी समाज प्रदेश उपाध्यक्ष कैलास पटेल, लखनौ येथील डॉ. डी.के. वर्मा, जे. एन. कटियार, राजेश कुमार, कोल्हापुरातील इतिहास संशोधक इंद्रजीत सावंत, शिवाजी विद्यापीठातील हिंदी विभागाचे माजी विभागप्रमुख डॉ. पदमा पाटील, धारवाड येथील डॉ. माधुरी चौगुले उपस्थित राहणार आहेत . या परिषदेतून वेगवेगळया राज्यात शाहू कार्याविषयी नेमकी स्थिती व त्यांच्या विचारांचा प्रसार व्हावा हा उद्देश असल्याचे निमंत्रक वसंतराव मुळीक, सहनिमंत्रक बबन रानगे, सचिव संजय कांबळे यांनी सांगितले. पत्रकार परिषदेला शशिकांत पाटील, डी. जी. भास्कर, कादर मलबारी, संभाजी पाटील आदी उपस्थित होते.