महाराष्ट्र न्यूज वन प्रतिनिधी, कोल्हापूर  : प्रथम एज्युकेशन फाउंडेशन, कोल्हापूर यांच्या वतीने जागतिक युवा कौशल्य दिनानिमित्त "यशस्वी प्रशिक्षणार्थी, उद्योजकांचा सन्मान व प्रमाणपत्र वितरण सोहळा" उत्साहात झाला.

 भागीरथी महिला संस्थेच्या अध्यक्षा अरुंधती महाडिक या कार्यक्रमाच्या अध्यक्षस्थानी होत्या. फाऊंडेशनचे राज्य समन्यवक सुधाकर भदरगे,उद्योजकता मार्गदर्शन अधिकारी सारंग कापूरकर, सुषमा पाटील, शीतल तिरुके यांची प्रमुख उपस्थिती होती. यावेळी मान्यवरांनी कौशल्याधारित शिक्षणाचे महत्त्व, युवकांसाठी उपलब्ध रोजगार व स्वयंरोजगाराच्या संधी तसेच उद्योगांच्या बदलत्या गरजांनुसार कौशल्य आत्मसात करण्याची आवश्यकता यावर मार्गदर्शन केले. कौशल्य विकासाच्या माध्यमातून युवकांनी आत्मनिर्भर बनून समाजाच्या विकासात योगदान द्यावे, असे आवाहन त्यांनी केले. प्रशिक्षण यशस्वीरीत्या पूर्ण केलेल्या विद्यार्थ्यांना प्रमाणपत्रांचे वितरण केले. विद्यार्थ्यांनी, कौशल्य प्रशिक्षणामुळे आयुष्यात झालेल्या सकारात्मक बदलांची माहिती दिली. सीमा स्वामी, नीता आवळे यांनी सूत्रसंचालन केले. विभागप्रमुख आसमा पठाण यांनी आभार मानले.