महाराष्ट्र न्यूज वन प्रतिनिधी, कोल्हापूर  : येथील न्यू कॉलेजमधील मराठी विभागाची विद्यार्थिनी श्रेया अशोक गुरव ( बीए भाग तीन) हिला राज्य सरकारची विशेष प्राविण्य प्राप्त गुणवत्ता शिष्यवृत्ती मंजूर झाली. ओबीसी प्रवर्गातून तीस हजार रुपयांची शिष्यवृत्ती मिळणार आहे.साहित्य, संस्कृती,कला, लेखन आणि संशोधन क्षेत्राकडे  गुणवंत विद्यार्थ्यांना आकर्षित करणे व त्यांना प्रोत्साहित करण्यासाठी शिष्यवृत्ती दिली जाते.मंजूर शिष्यवृत्तीपैकी पहिल्या टप्प्यात पंधरा हजार १०० रुपयेइतकी रक्कक प्राप्त झाली आहे. या यशाबद्दल कॉलेजचे प्राचार्य व्ही.एम. पाटील यांच्या हस्ते विद्यार्थिनी गुरव हिचा ग्रंथ व बुके देऊन सत्कार करण्यात आला. श्री प्रिन्स शिवाजी मराठा बोर्डिंग हाऊसचे चेअरमन के. जी. पाटील, व्हाईस चेअरमन डी. जी. किल्लेदार, प्राचार्य पाटील, प्रबंधक श्रीमती एम.वाय. कांबळे यांचे विद्यार्थिनी गुरवला प्रोत्साहन लाभले. मराठी विभागप्रमुख डॉ. जी. आर. पाटील, प्रा. डॉ. मनिषा नायकवडी यांचे मार्गदर्शन लाभले.