महाराष्ट्र न्यूज वन प्रतिनिधी, कोल्हापूर : येथील चिन्मय सेवा समितीच्यावतीने वक्ते  स्वामी अभेदानंद  यांच्या व्याख्यानमालेचे आयोजन तीन ते  आठ एप्रिल २०२६ या कालावधीत केले आहे. रोज सायंकाळी ६.३० ते ८:०० या वेळेत "गीतेतील भक्ती, शक्ती आणि मुक्ती " या विषयावर चिन्मय पुष्पांजली, प्रतिभा नगर मेन रोड, आजरा बँकेसमोर, कोल्हापूर येथे ही व्याख्यानमाला होणार आहे.  व्याख्यानमालेचे हे दहावे वर्ष आहे. अशी माहिती चिन्मय मिशन कोल्हापूरचे प्रभारी स्वामी दत्तराजानंद, चिन्मय व्याख्यानमालेचे अध्यक्ष  डॉ. वासुदेव देशिंगकर यांनी पत्रकार परिषदेत दिली.

 स्वामी अभेदानंद गेली तीस वर्षाहून अधिक काळ चिन्मय मिशनच्या देशातील आणि विदेशातील केंद्रामध्ये कार्यरत आहेत.  गेल्या वीस वर्षापासून ते दक्षिण आफ्रिकेमध्ये कार्यरत असून तेथे त्यांनी सहा नवीन आश्रम आणि दोन मंदिरे उभारली आहेत. भारतीय  संस्कृती,  भक्ती, वेदांत,  योग  या विषयावर ते संस्कृत, हिंदी, इंग्रजी भाषेतून जगभर प्रसार करत आहेत.  व्याख्यानमाला ही सर्वांना खुली असून प्रवेश विनामूल्य आहे.  तरी नागरिकांनी या व्याख्यानाचा अवश्य लाभ घ्यावा असे आवाहन संयोजकांनी केले आहे.  या पत्रकार परिषदेस चिन्मय सेवा समितीचे अध्यक्ष हसमुख शहा, कोषाध्यक्ष स्नेहल कारंडे, मेघा जोशी, प्रा.विलास गंभीरे, श्री अभय मगदूम आदी उपस्थित होते.