महाराष्ट्र न्यूज वन प्रतिनिधी, कोल्हापूर : जिल्हा परिषदेत काँग्रेसच्या गटनेतेपदी एकनाथ पाटील यांची निवड करण्यात आली. तसेच राधानगरी पंचायत समितीमध्ये काँग्रेसच्या गटनेतेपदी मोहन पाटील, करवीर पंचायत समितीत काँग्रेसच्या गटनेतेपदी रवींद्र पाटील तर गगनबावडा पंचायत समितीतील गटनेतेपदी राजेश पाटील यांची निवड झाली.

अजिंक्यतारा कार्यालय येथे या निवडी पार पडल्या. काँग्रेसचे जिल्हाध्यक्ष व आमदार सतेज पाटील यांच्या मार्गदर्शनानुसार या निवडी झाल्या. गटनेतेपदाची निवड प्रक्रिया झाल्यानंतर सदस्यांनी जिल्हाधिकारी कार्यालयात जाऊन जिल्हाधिकारी अमोल येडगे यांच्याकडे गटनेतेपदाची नोंदणी केली. गटनेतेपदी निवड झाल्यानंतर बोलताना जिल्हा परिषद सदस्य एकनाथ पाटील म्हणाले, ‘आमदार सतेज पाटील यांनी जिल्हा परिषदेत काँग्रेसच्या गटनेतेपदी काम करण्याची संधी दिली. माझ्यावर पक्षाने जो विश्वास व्यक्त केला आहे, तो चांगल्या पद्धतीने काम करुन सार्थ ठरवेन. सर्व सदस्यांना एकत्र आणून ग्रामीण भागातील विकासाचे प्रश्न मार्गी लावू.’ गोकुळचे संचालक बाबासो चौगुले, बयाजी शेळके, जिल्हा परिषदेचे माजी उपाध्यक्ष शशिकांत खोत, बिद्री कारखान्याचे संचालक राहुल देसाई आदींच्या उपस्थितीमध्ये गटनेतेपदाच्या निवडी झाल्या. याप्रसंगी कोल्हापूर महापालिकेतील विरोधी पक्षनेते राजेश लाटकर, गटनेते इंद्रजीत बोंद्रे यांचा सत्कार करण्यात आला. या बैठकीला जिल्हा परिषद सदस्य अभिजीत तायशेटे, रेश्मा देसाई, रसिका पाटील, सुदर्शन खोत, सोनाली सावंत, सागर धुंदरे, संयोगिता मोरे, संग्राम पाटील, अॅड. राहुल आवळे, सोनाली पाटील, अनिता कांबळे, वंदना जाधव, अश्विनी चौगुले, लता माने, अमर कांबळे, मोहन पाटील, आर. वाय. पाटील, अनिल म्हेत्रे, विश्वनाथ पाटील, संदीप पाटील, डॉ. संदीप हजारे, उमा पाटील, शुंभागी संकपाळ, छाया देसाई, अमृता पाटील आदी उपस्थित होते.