महाराष्ट्र न्यूज वन प्रतिनिधी, कोल्हापूर  :   येत्या २८ जून २०२६ रोजी होणाऱ्या शिक्षक पात्रता परीक्षेसाठी शिक्षण विभागाची यंत्रणा सज्ज झाली असून शहरातील ५४ केंद्रावरती एकूण ८०० शिक्षक कर्मचाऱ्यांची नियुक्ती असल्याची माहिती प्राथमिक विभागाच्या शिक्षण अधिकारी डॉ . मीना शेंडकर यांनी दिली.

मुख्याध्यापक संघामध्ये आयोजित केंद्रसंचालकांच्या बैठकीत त्या बोलत होत्या. महाटीईटी परीक्षेचे कामकाज केंद्रसंचालकांनी गांभिर्याने घ्यावे असे आवाहन करून त्यांनी  केंद्रसंचालकांना महत्वाच्या सूचना दिल्या. या परीक्षेसाठी विनाअनुदानित  शाळांच्या कर्मचाऱ्यांना नियुक्त करावयाचे नाही असेही सांगितले. शिवाय या काळात संपूर्ण कर्मचाऱ्यांची सेवा अधिग्रहित केल्याचे सूचक विधान केले.