महाराष्ट्र न्यूज वन प्रतिनिधी, कोल्हापूर : शिक्षणमहर्षी बापूजी साळुंखे यांच्या जयंतीनिमित्त गावडे कुटुंबियांतर्फे रायगड जिल्ह्यातील न्यू इंग्लिश स्कूल अँड ज्युनिअर कॉलेज म्हसळा प्रशालेस ५१ हजार रुपयांची देणगी देण्यात आली. एलआयसीमधील निवृत्ती अधिकारी मुरली गावडे, विवेवकानंद शिक्षण संस्थेच्या सचिव प्राचार्य शुभांगी गावडे, संस्थेचे मुख्य कार्यकारी अधिकारी कौस्तुभ गावडे यांच्यातर्फे धनादेश देण्यात आला. विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे यांच्या प्रमुख उपस्थितीमध्ये म्हसळा प्रशालेचे प्राचार्य डी. आर. पाटील यांच्याकडे मुरली गावडे यांना धनादेश प्रदान केला. प्राचार्य पाटील यांनी, म्हसळा प्रशालेच्या इमारतीची दुरुस्ती करण्यात येत आहे. प्रशालेचा पत्रा बदलण्यात येत आहे. या कामासाठी मदत म्हणून गावडे कुटुंबियांतर्फे दणगी दिल्याचे गावडे यांनी म्हटले आहे. यावेळी माजी सहसचिव पी. एस. चव्हाण उपस्थित होते. प्राचार्य पाटील यांनी शाळेच्या इमारत दुरुस्तीसाठी मदत केल्याबद्दल आभार मानले.