महाराष्ट्र न्यूज वन प्रतिनिधी, कोल्हापूर  : ‘ डॉ. बाबासाहेब आंबेडकर यांच्या जयंतीचे औचित्य साधून राज्यात सामाजिक समता सप्ताह होत असला तरी छत्रपती शाहू महाराज यांनी कोल्हापूर जिल्ह्यात यापूर्वीच समता प्रस्थापित केली आहे.  कोल्हापूर बाजार समितीवर सभापतीपदी नानासो कांबळे यांची निवड ही सामाजिक समतेचा संदेश आहे. बाजार समितीचा उन्नतीसाठी नूतन सभापती व  संचालकांनी चांगला कारभार करावा. ’असे प्रतिपादन माजी आमदार संजय घाटगे यांनी केले.

 कोल्हापूर शेती उत्पन्न बाजार समितीचे सभापती नानासो कांबळे- साकेकर यांच्या कार्यालयीन प्रवेश कार्यक्रमात बोलत होते. भाजपाचे जिल्हाध्यक्ष नाथाजी पाटील, जिल्हा बँकेचे संचालक भैया माने,'गोकुळ' चे संचालक युवराज पाटील, अमररिषसिंह घाटगे, गोकुळच्या माजी संचालिका अरुंधती घाटगे यांच्या उपस्थितीमध्ये हा कार्यक्रम झाला. उपनिबंधक युसुफ शेख यांनी बाजार समितीचे सचिव म्हणून कार्यभार स्विकारला. याबद्दल त्यांचा सत्कार सभापती कांबळे यांच्या हस्ते करण्यात आला.

सभापती नानासो कांबळे म्हणाले, जिल्ह्यातील नेत्यांनी मला एका मोठ्या संस्थेवर काम करण्याची संधी दिली आहे. त्यामुळे नेत्यांच्या विश्वासाला पात्र राहून  करीन व  कारभार करताना शेतकरी व व्यापारी यांचा समन्वय साधून काम करीत राहीन. अशी ग्वाही देतो.  यावेळी  संचालक सुयोग वाडकर, प्रकाश देसाई, शिवाजीराव पाटील यांची भाषणे झाली. कार्यक्रमास मार्केट फेडरेशनच्या संचालिका धनश्री घाटगे,  'बिद्री' चे संचालक रणजित मुडुकशिवाले,  जिल्हा परिषद सदस्य काकासाहेब सावडकर, बाजार समिती संचालक  पांडुरंग काशिद, दिलीप पोवार, कुमार आहुजा माजी जिल्हा परिषद शशिकांत खोत, संजय चितारे, 'अन्नपूर्णा शुगरचे संचालक मल्हारी पाटील, भाजप तालुकाध्यक्ष एकनाथ पाटील,, तानाजी कुरणे, दत्तात्रय दंडवते, सुरेश मर्दाने, ज्ञानदेव पाटील, इंद्रजीत पाटील, बाळासो तुरंबे, चंद्रकांत निऊंगरे, मारुती कांबळे, आदी उपस्थित होते. उपसचिव वसंत पाटील यांनी आभार मानले