महाराष्ट्र न्यूज वन प्रतिनिधी : कोल्हापूर जिल्हा सहकारी दूध उत्पादक संघ अर्थात गोकुळच्या निवडणुकीतंर्गत 18 ऑक्टोबर 2026 रोजी मतदान होणार आहे. 19 ऑक्टोंबर रोजी  मतमोजणी होईल अशी माहिती निवडणूक निर्णय अधिकारी मौसमी चौगुले यांनी दिली. निवडणूक निर्णय अधिकारी चौगुले यांनी, बुधवारी, ९ सप्टेंबर रोजी निवडणूक कार्यक्रम जाहीर केला. गोकुळच्या निवडणुकीसाठी अंतिम मतदार यादी प्रसिद्ध करण्यात आली आहे. गोकुळ निवडणुकीसाठी 15 सप्टेंबर ते 22 सप्टेंबर 2026 या कालावधीत उमेदवारी अर्ज दाखल करता येईल. 23 सप्टेंबर रोजी उमेदवारी अर्जांची छाननी आहे 24 सप्टेंबर ते 8 ऑक्टोबर 2026 या कालावधीत उमेदवारी अर्ज मागे घेता येतील. नऊ ऑक्टोबर रोजी उमेदवारांची अंतिम यादी जाहीर होईल. त्याच दिवशी चिन्हांचे वाटप होईल. 18 ऑक्टोबर रोजी मतदान तर 19 ऑक्टोबर रोजी  मतमोजणी होणार आहे. २५ संचालकांसाठी ही निवडणूक होत आहे. 25 संचालकामध्ये 20 संचालक सर्वसाधारण गटातून निवडले जाणार आहेत. तर दोन संचालक महिला प्रवर्ग गटातून निवडले जातील. अनुसूचित जाती जमाती, भटके विमुक्त व मागासवर्ग प्रवर्गातून प्रत्येकी एक संचालक निवडला जाणार आहे. रमण मळा येथील बहुउद्देशीय हॉल येथे निवडणूक कार्यालय असणार आहे