कागलमध्ये शरद पवार यांच्या उपस्थितीत झालेल्या कार्यक्रमात जिल्हाध्यक्ष व्ही. बी. पाटील यांनी मंत्री मुश्रीफ यांचे नाव घेत टीका केली होती. त्याला उत्तर देताना मुश्रीफ समर्थकांनी म्हटले आहे,  ‘ वास्तविक ज्या कोल्हापूर जिल्हा मध्यवर्ती सहकारी बँकेचे अध्यक्षपद  व्ही. बी. पाटील यांनी भूषविले आहे, त्या बँकेवर राजकीय स्वार्थापोटी खोटे आणि गलिच्छ आरोप करताना त्यांना लाज वाटली पाहिजे होती. राजकीय द्वेषातून त्यांनी बँकेवर केलेले आरोप सिद्ध करावेत. अन्यथा; त्यांच्यावर मोर्चाही काढू.’